原标题：晒花絮照没心颖！张振朗盼《坚》剧在港

艺人张振朗主演嘅剧集《坚离地爱坚离地》，因拍档黄心颖的“安心偷食”事件而在港播出无期，不过TVB已经逐渐“放生”心颖，《坚》最终亦能够喺马来西亚嘅Astro AOD播出。

而剧集话咁快已经大结局，作为男主角嘅振朗亦万分感触，上载多张剧集花絮照，又发文话剧中“丁信希”呢个角色同佢过往嘅角色有好大分别，希望迟啲香港有得播，畀大家见到佢嘅努力。

他说：“丁信希的而且确同我演开嘅角色好大分别，因为我付出咗好多好多心血，都系嗰句希望香港可以有得播，Anyway希神多谢咁多位海外观众嘅支持，希望希猪的天真能够带给你们欢笑，也能明白珍惜身边的人，不要‘自困细小的圈子每日逃离视线’，你哋嘅留言我每一个都有睇，祝各位朋友同信希个名一样，信希-相信希望。”

喺佢晒出嘅花絮照中，有与龚嘉欣、刘佩玥等同剧拍档合照，但就冇饰演佢妹妹嘅心颖份，有网友笑问系咪想低调处理，令剧集可以快啲重见天日呢？